Week 1

வாரம் 1: வீட்டுப்பாடம்

உரையாடல் பயிற்சி: (3-4 நிமிடங்கள்)

• ஆசிரியர் உரையாடல் தலைப்பைக் கொடுக்கலாம். அல்லது மாணவர் உரையாடல் தலைப்பைத் தேர்ந்தெடுக்கலாம்.

• மாணவர்கள் தலைப்பிற்கேற்ப பெற்றோர், உறவினர் அல்லது நண்பர்களுடன் பேசித் தமிழில் கலந்துரையாடி, அதை ஒலிப்பதிவு செய்து ஆசிரியருக்கு அனுப்பவும்.

• மாணவர்கள் தனியாகவும் பேசலாம்.

• உரையாடல் பதிவேட்டில் பெற்றோர் கையொப்பம் இடவேண்டும்.

• ஒருமுறை பயன்படுத்திய தலைப்பை மீண்டும் பயன்படுத்துவதைத் தவிர்க்கவும்.

• எழுத்துத் தமிழில் பேசுவதைக் கூடியவரை தவிர்க்கவும். ஓரிரு சொற்கள் ஆங்கிலத்தில் பேசுவது தவறில்லை.

குறிப்பு: உரையாடல் தலைப்பு உதாரணங்கள் பாடத்திட்டத்தின் இறுதியில் கொடுக்கப்பட்டுள்ளன. ஆசிரியர்கள் அதனைத் தேவைக்கேற்பப் பயன்படுத்தலாம்.

15 நிமிட வாசித்தல் பயிற்சி

• பாடம் 1.2: வாசிப்போம் - மகிழ்ச்சியான நாள் கதையைப் படித்துத் தலைப்பை வாசிப்புப் பயிற்சி பதிவேட்டில் எழுதவும்.

• பெற்றோர் வாசித்தல் அட்டவணையில் கையொப்பம் இட வேண்டும்.

• மாணவர்கள் படித்த பத்தியிலிருந்து ஏதேனும் மூன்று வாக்கியங்களை ஆங்கிலத்தில் மொழி பெயர்த்து எழுதவும்

வாக்கியம் அமை

• Refer to குறிப்பளிக்கும் உத்திகள்/இலக்கணக் குறிப்புகள்

• வாக்கியம் ‘யார், ஏன், எதை, எப்படி, எங்கே, எப்போது’ ஆகிய கேள்விகளில் குறைந்தபட்சம் மூன்று கேள்விகளுக்குப் பதில் தரும் வகையில் அமைய வேண்டும்.

1. ஓய்வு - Leisure/Rest

2. கடற்கரை - Beach

3. மகிழுந்து - Car

4. உணவு - Food

5. நண்பகல் - Noon

உதாரணம்: அன்பன் தமிழ்த் தேர்வில் வெற்றி பெறப் பள்ளியில் தினமும் நன்றாகப் படித்தான்.

• யார் - அன்பன்

• எதை - தமிழ்த் தேர்வில் 

• ஏன் - வெற்றி பெற 

• எங்கே - பள்ளியில் 

• எப்போது - தினமும் 

• எப்படி - நன்றாக 

• என்ன (வினை) - படித்தான்

வேற்றுமை உருபுப் பயிற்சி பாடத்தில் உள்ள ஏதேனும் ஒரு பெயர்ச்சொல்லுடன் வேற்றுமை உருபுகளை இணைத்து அட்டவணையை எழுதவும்.

ஏதாவது 2 வேற்றுமை உருபை வாக்கியத்தில் அமைக்கவும். எடுத்துக்காட்டு: இது கண்ணனது புத்தகம். கண்ணனுக்கு லட்டு பிடிக்கும்.

சென்ற வாரம் மாணவர்கள் வாக்கியம் அமைக்கப் பயன்படுத்திய வேற்றுமை உருபுகளை இந்த வாரம் பயன்படுத்தக் கூடாது.

எடுத்துக்காட்டு: 

1. கண்ணன் + ஐ = கண்ணனை 

2. கண்ணன் + ஆல் = கண்ணனால் 

3. கண்ணன் + ஓடு = கண்ணனோடு

4.  கண்ணன் + உடன் = கண்ணனுடன்

5.  கண்ணன் + கு = கண்ணனுக்கு 

6. கண்ணன் + இன் = கண்ணனின் 

7. கண்ணன் + அது = கண்ணனது 

8. கண்ணன் + இல் = கண்ணனில் 

9. கண்ணன் + இலிருந்து = கண்ணனிலிருந்து 

10. கண்ணன் + உடைய = கண்ணனுடைய 

11. கண்ணன் + இடம் = கண்ணனிடம் 

12. கண்ணன் + ஆ = கண்ணனா! 

13. கண்ணன் + ஏ = கண்ணனே!